Պարանոցի ողեր
Դիսկերի արհեստական փոխարինման պրոցեդուրան կիրառվում է պարանոցի և գոտկատեղի շրջանի դիսկերի դեգեներատիվ հիվանդությունը բուժելու համար: Դա արվում է ցավերը նվազեցնելու և ողնաշարի շարժունակությունը պահպանելու նպատակով: Վիրահատության ժամանակ բժիշկը կհեռացնի դիսկը և կվերականգնի դրա բարձրությունը՝ դիսկի փոխարեն տեղադրելով պատվաստանյութ, որը շարժունակության ներուժ է հաղորդում: Սեղմեք այստեղ՝ բեռնելու Adobe Acrobat ֆորմատի ձև, որում տեղեկություններ կան պարանոցի դիսկերի արհեստական փոխարինման մասին:
Պարանոցի առաջային դիսկէկտոմիան և հոդակապումը (ACDF) վիրահատություն է, որը կիրառվում է պարանոցի այնպիսի խնդիրների բուժման համար, ինչպիսիք են պարանոցի ռադիկուլոպաթիան, դիսկերի ճողվածքները, կոտրվածքներն ու ողնաշարի անկայունությունը: Այդ պրոցեդուրայի ընթացքում վիրաբույժը պարանոց է մուտք գործում դիմացից (առաջային շրջանից) և հեռացնում ողնաշարի դիսկը (դիսկէկտոմիա): Դիսկի վերևում և ներքևում գտնվող ողերն իրենց տեղում են պահվում ոսկրի փոխպատվաստանյութով, երբեմն էլ մետաղային սարքով: Դրա նպատակն է օգնել, որ ոսկրերը ձուլվեն՝ դառնալով մեկ ամբողջական ոսկր: Դա կոչվում է հոդակապում, իսկ բժշկական լեզվով՝ արթրոդեզ: Պարանոցի ետևից վիրահատումն ավելի հաճախ կիրառվում է պարանոցի կոտրվածքների դեպքում: Այդ պրոցեդուրան կոչվում է պարանոցի հետին հոդակապում: Սեղմեք այստեղ՝ Adobe Acrobat ձև բեռնելու համար, կամ այստեղ՝ այլ կայքէջեր տեսնելու համար:
Պարանոցի հետին հոդակապումն իրականացվում է պարանոցի ետևի մասից (հետին): Վիրահատության արդյունքում երկու կամ ավելի ողեր միաձուլվում են՝ դառնալով ոսկրի մեկ ամբողջական հատված: Բժշկական լեզվով հոդակապումը կոչվում է արթրոդեզ: Պարանոցի հետին հոդակապումը առավել հաճախ կիրառվում է պարանոցի կոտրվածքների կամ հոդախախտների դեպքում, ինչպես նաև պարանոցի կորի դեֆեկտներն ուղղելու նպատակով: Այս վիրահատության ժամանակ վիրաբույժները երբեմն մետաղյա սարք են կցում պարանոցի ոսկրերին: Այդ սարքը կոչվում է «instrumentation»: Սեղմեք այստեղ՝ Adobe Acrobat ձևը բեռնելու համար, կամ այստեղ՝ այլ կայքէջեր տեսնելու համար:
Պարանոցի դիսկերի հեռացում
Պարանոցի դիսկերի առաջային դիսկէկտոմիան պարանոցի վնասված դիսկերը բուժելու ամենատարածված վիրաբուժական միջոցն է: Դրա նպատակն է ազատել նյարդերի արմատները կամ ողնուղեղը ճնշումից՝ հեռացնելով վնասված դիսկը: Վիրահատության ժամանակ պարանոցի փափուկ հյուսվածքներն առանձնացվում են և դիսկը հեռացվում է: Երբեմն ողերի միջև առաջացած տարածությունը բաց է թողնվում: Սակայն դիսկի տարածության նորմալ բարձրությունը պահպանելու համար վիրաբույժը կարող է որոշել լրացնել այն ոսկրի փոխպաստվաստանյութով: Սեղմեք այստեղ՝ Adobe Acrobat ֆորմատի ձևը բեռնելու համար, կամ այստեղ՝ այլ կայքէջեր տեսնելու համար:
Պարանոցի հետին ֆորամինոտոմիա
Ֆորամինատոմիան մեղմում է ֆորամինալ ստենոզի ախտանիշները: Ֆորամինալ ստենոզի ժամանակ նյարդի արմատը սեղմվում է ֆորամենի ներսում: Այդ սեղմումը սովորաբար հանգեցնում է ողնաշարի դեգեներատիվ փոփոխությունների (ամորտիզացիա):
Պարանոցի վրա շարունակական ճնշման կամ լարվածության հետևանքով ողնաշարի դիսկը կարող է սկսել քայքայվել: Քանի որ ողերի մարմինների միջև տարածությունը կծկվում է, նեղանում է նաև անցքը նյարդի արմատի շուրջ: Արդյունքում նյարդը սեղմվում է: Նյարդի արմատը ճնշվում է ֆորամենում, երբ ֆորամենի արտաքին եզրագծի հոդը բորբոքվում է և խոշորանում՝ նույն ամորտիզացիոն փոփոխությունների պատճառով: Ամորտիզացիան կարող է նաև հանգեցնել ոսկրի բիտերի զարգացման և դեպի ֆորամեն շարժման, ինչը գրգռում է առաջացնում: Ֆորամինոտոմիայի ժամանակ վիրաբույժը հեռացնում է ֆորամենի եզրի շուրջ գտնվող հյուսվածքը՝ զգալիորեն լայնացնելով անցքը, որպեսզի նյարդի արմատը ազատի ճնշումից: Սեղմեք այստեղ՝ Adobe Acrobat ձևը բեռնելու, կամ այստեղ՝ պարանոցի հետին ֆորամինոտոմիայի մասին այլ կայքէջեր դիտելու համար:
Պարանոցի կորպէկտոմիա
Այս պրոցեդուրայով հեռացվում են ողերի մարմիններն ու դիսկերի տարածությունները բոլոր կողմերից՝ ամբողջովին ճնշումից ազատելով պարանոցային խողովակը և այդպիսով հեռացնելով ճնշումը ողնուղեղից կամ նյարդերի արմատներից: Սեղմեք այստեղ՝ Adobe Acrobat ձևը բեռնելու համար, կամ այստեղ՝ պարանոցի կորպէկտոմիայի մասին ավելին իմանալու համար:
Պարանոցի լամինէկտոմիա
Լամինէկտոմիան վիրահատություն է, որի նպատակն է ազատել ողնուղեղը ողնաշարի նեղացման հետևանքով առաջացած ճնշումից: Ողնաշարի ստենոզի ժամանակ ոսկրերի բիտերը սեղմում են ողնուղեղին՝ առաջացնելով միելոպաթիա: Միելոպաթիան կարող է առաջացնել աղիների և միզապարկի խնդիրներ, խանգարել քայլվածքին կամ ձեռքերում մանր մոտորիկայի հմտությանը: Լամինէկտոմիայի ժամանակ հեռացվում է ողնուղեղի ետևի մասը ծածկող ոսկրի մի փոքր հատված: Լամինան ողնուղեղի ետևի ոսկրի թիթեղն է, իսկ էկտոմիա նշանակում է ոսկրի թիթեղի հատվածի հեռացում՝ ողնուղեղը ճնշումից ազատելու նպատակով: Սեղմեք այստեղ՝ Adobe Acrobat ձևը բեռնելու համար, կամ այստեղ՝ լրացուցիչ տեղեկությունների համար:
Ողնաշարի կրծքային հատված
Կիֆոպլաստիա
Կիֆոպլաստիան վիրահատություն է, որը կիրառվում է օստեոպորոզի, չարորակ և բարորակ ուռուցքների հետևանքով առաջացած կոտրվածքների դեպքում: Կիֆոպլաստիան նվազագույն միջամտության պրոցեդուրա է, որը կարող է զգալիորեն մեղմել մեջքի ցավը կամ վերականգնել ողնաշարի կոտրված ոսկրը: Սեղմեք այստեղ՝ Adobe Acrobat ձևը բեռնելու համար, կամ այստեղ՝ կիֆոպլաստիայի մասին ավելին իմանալու համար:
Կրծքային հատվածի հետին հոդակապում
Հոդակապումը վիրահատություն է, որի արդյունքում երկու կամ ավելի ոսկրեր (այս դեպքում ողեր) միաձուլվում են՝ դառնալով մեկ ամբողջական ոսկր: Այս պրոցեդուրան կոչվում է հետին հոդակապում, քանի որ վիրաբույժն աշխատում է մեջքի վրա, այսինքն ողնաշարի հետին մասից: Հետին հոդակապումը ողնաշարի կրծքային մասում կիրառվում է ողնաշարի անկայունություն, դիսկերի խորը դեգեներատիվ հիվանդություն, սկոլիոզ և ողնաշարի կրծքային հատվածի կոտրվածքներ բուժելու համար: Սեղմեք այստեղ՝ այս պրոցեդուրայի մասին տեղեկություններով Adobe Acrobat ձևը բեռնելու համար:
Գոտկատեղի ողեր
Գոտկատեղի լամինէկտոմիան ողնաշարի վիրահատություն է, որի նպատակն է ոսկրի հեռացման միջոցով ավելորդ ճնշումից ազատել գոտկատեղի ողերի, այսինքն՝ մեջքի ստորին հատվածի, նյարդը կամ նյարդերը: «Լամինէկտոմիա» տերմինն ունի լատինական ծագում. «lamina» նշանակում է բարակ ափսե, թերթ կամ շերտ, իսկ «էկտոմիա»՝ հեռացում: Լամինէկտոմիայի դեպքում հեռացվում կամ քերվում է ողի լամինան (թիթեղը)` ողնաշարից հեռացող նյարդերի համար տարածություն ստեղծելու համար: Սեղմեք այստեղ՝ գոտկատեղի լամինէկտոմիայի մասին Adobe Acrobat ձևը բեռնելու համար, կամ այստեղ՝ այդ վիրահատության մասին այլ կայքէջեր տեսնելու համար:
Գոտկատեղի միկրոդիսկէկտոմիան վիրահատություն է, որի ընթացքում վիրաբուժական միկրոսկոպով և միկրովիրաբուժական միջոցներով միջամտություն է կատարվում՝ բուժելով գոտկատեղի ողերը: Խոշորացույցի և լուսավորման միջոցով միկրոսկոպը թույլ է տալիս հնարավորինս չնչին հեռացում անել: Հեռացվում է միայն ճողվածքով դիսկը, որը սեղմում է մեկ կամ մի քանի նյարդերի արմատներին: Դիսկէկտոմիա տերմինը լատինական ծագում ունի. «discus» նշանակում է հարթ շրջանաձև առարկա կամ ափսե, իսկ «ectomy» նշանակում է հեռացում: Սեղմեք այստեղ՝ գոտկատեղի միկրոդիսկէկտոմիայի մասին Adobe Acrobat ձևը բեռնելու համար, կամ այստեղ՝ այդ վիրահատության մասին այլ կայքէջեր տեսնելու համար:
Գոտկատեղի հետին միջողնային հոդակապումը (PLIF) ողնաշարի վիրահատության տեսակ է, որի ընթացքում ողնաշարին մոտենում են մեջքից (հետին) և ոսկրի փոխպատվաստանյութը տեղադրում երկու հարակից ողերի միջև՝ խթանելու ոսկրերի աճն ու միաձուլումը: Ոսկրի փոխպատվաստանյութը գործում է որպես կամուրջ կամ լաստակ, որի վրա աճում է նոր ոսկրը: Այս վիրահատության վերջնանպատակն է վերականգնել ողնաշարի կայունությունը: Այսօր PLIF-ը կարելի է իրականացնել նվազագույն միջամտությամբ, ինչը թույլ է տալիս վիրաբույժին փոքր կտրվածքներով զգուշորեն բաժանել ողնաշարը շրջապատող մկանները՝ դրանք կտրատելու փոխարեն: Ողնաշարի ավանդական՝ բաց վիրաբուժության դեպքում ողնաշարի մկանները կտրատվում են կամ քերթվում: Նվազագույն միջամտության դեպքում պահպանվում է շրջապատող մկանների և անոթների ֆունկցիան, ինչպես նաև նվազագույնի են հասցվում սպիերը: Սեղմեք այստեղ՝ տեղեկատվություն պարունակող Adobe Acrobat ձևը բեռնելու համար, կամ այս հղմանը՝ Գոտկատեղի հետին միջողնային հոդակապում: <
Գոտկատեղի միջողնային տրանսֆորամինալ հոդակապումը (TLIF) ողնաշարի վիրահատության տեսակ է, որի դեպքում վիրաբույժը գոտկատեղի ողերին մոտենում է մեջքի վրա կտրվածք անելով: Պրոցեդուրայի անունն ունի հետևյալ ծագումը. տրանսֆորամինալ նշանակում է ֆորամենի, այսինքն անցքի միջով, գոտկատեղի (մեջքի ստորին հատվածի), միջողնային (պատվաստանյութը կամ ոսկրի փոխպատվաստանյութը տեղավորվում է երկու ողերի միջև) և հոդակապում (ողնաշարի կայունացում): TLIF-ը գոտկատեղի հետին միջողնային հոդակապման (PLIF) տեսակ է, որը սակայն ապահովում է 360 աստիճան միաձուլում, և որի դեպքում վիրաբույժը խուսափում է առաջային միջամտությունից և դրան առնչվող բարդություններից: Բացի այդ նվազում է նյարդային հյուսվածքների հետ գործ ունենալու, կապանային տարրերի վնասվածքների և ոսկրերի անչափավոր հեռացման հավանականությունը, բարձրանում է կենսաքիմիական կայունությունը, և արդյունքում հիվանդը շուտ է ոտքի կանգնում: Ողնաշարի ավանդական բաց վիրահատությունը կատարվում է ողնաշարի մկանները կտրելով կամ քերթելով: Սակայն այսօր TLIF-ը կարող է իրականացվել նվազագույն միջամտությամբ: Այս վիրահատության դեպքում վիրաբույժը կտրտելու փոխարեն փոքր կտրվածքներ անելով և մկանները ձգելով զգուշորեն առանձնացնում է ողնաշարը շրջապատող մկանային հյուսվածքները: Նվազագույն միջամտության դեպքում պահպանվում է ողնաշարը շրջապատող մկանների և անոթների ֆունկցիան, և հիվանդը զերծ է մնում սպիերից: Իմացեք ավելին գոտկատեղի միջողնային տրանսֆորամինալ հոդակապման մասին՝ սեղմելով այստեղ:
Գոտկատեղի առանցքային միջողնային հոդակապում (AxiaLIF®)
AxiaLIF® համակարգը ներառում է վիրաբույժի գործիքներ`դեպի L5-ից մինչև S1 սրբոսկրի ողերի մարմինները ապահով և վերարտադրողական ճանապարհ ստեղծելու համար: AxiaLIF® տեխնիկան ներառում է նորարար գործիքներ, որոնք թույլ են տալիս իրականացնել գոտկատեղի ողերի ստանդարտ հոդակապում, շեղում և կայունացում` մեղմացնելով բաց վիրաբուժական կտրման միջոցով գոտկատեղի ողերի ավանդական հոդակապման դեպքում սովորաբար առաջացող փափուկ հյուսվածքի վնասվածքները: Սեղմեք այստեղ՝ Adobe Acrobat ձևը բեռնելու համար կամ այստեղ՝ գոտկատեղի առանցքային միջողնային հոդակապման մասին ավելին իմանալու համար:
Կողային միջողնային արտակարգ հոդակապում (XLIF®)
XLIF® մոտեցումը նվազագույն միջամտությամբ պրոցեդուրա է, որը թույլ է տալիս վիրաբույժին ուղղակիորեն մուտք գործել միջողնային դիսկերի տարածք և միաձուլել գոտկատեղի ողերը (մեջքի ստորին հատված) մարմնի կողքից (կողային)` ի տարբերություն առաջային և հետին մուտքի: Ինչպես և ողնաշարի նվազագույն միջամտությամբ վիրահատության մյուս տեսակները, XLIF պրոցեդուրան ևս մշակվել է բուժելու ողնաշարի խանգարումները հյուսվածքների (մկաններ, կապաններ, արյան անոթներ և որովայնի օրգաններ) նվազագույն պատռմամբ, այնպես որ վիրահատության արդյունքում չափազանց քիչ հյուսվածք է վնավում: Հետևաբար վիրահատությունից հետո վերականգնվելու համար անհրաժեշտ ժամանակը նույնպես նվազում է: Իմացեք ավելին կողային միջողնային արտակարգ հոդակապման մասին:
Գոտկատեղի առաջային միջողնային հոդակապումը (ALIF) ողնաշարի վիրահատություն է, որի դեպքում վիրաբույժը ողնաշարին մոտենում է մարմնի առջևից և հեռացնում դիսկ կամ ոսկրանյութ՝ գոտկատեղի երկու հարակից ողների միջև ընկած տարածքից: Այս պրոցեդուրան կարող է լինել բաց վիրահատության տեսքով կամ էլ՝ նվազագույն միջամտությամբ տեխնիկայի կիրառմամբ: Սեղմեք այստեղ՝ Adobe Acrobat ձևը բեռնելու համար, կամ այստեղ՝ ALIF-ի մասին մանրամասն տեղեկություններ ստանալու համար: